UTCXGmw Xe_nSs
Ch't' articl'ye fut c'menchie en Jèrriais  |
UTC est l'standard d'l'heuthe dans l'monde. Ch'est eune heuthe tch'est souô-dîthant univèrselle et co-ordonnée. Nou-s'appelle les zones dé l'heuthe lé tou du monde s'lon l's heuthes ajouôtées à l'UTC (UTC+) ou halées d'l'UTC (UTC-).
Jusqu'en 1972 l'standard dé l'heuthe 'tait l'heuthe dé Greenwich (s'lon l'accord d'1883 tchi r'connut l'obsèrvatouaithe dé Greenwich à Londres coumme lé but d'quémenchement d'caltchul dé navigâtion). Ch'tait l's obsèrvâtions astrononmiques à Greenwich tch'avait êtablyi la lîngne dé longitude.
En 1928, nou-s'atchilyit l'nom d'heuthe univèrselle pouor l'heuthe dé Greenwich. D'pis l's années 1950, lé dêv'loppement d'l'hôlouoge atonmique a remplaichi l's obsèrvâtions astrononmiques pouor l'caltchul d'l'heuthe dans la scienche.
Tout coumme, y'a des variâtions dans la touônn'nie d'la Tèrre v'là tchi fait qu'l'heuthe atonmique peut s'cârrer d'l'heuthe astrononmique. À seule fîn d'garder l'heuthe atonmique acanté l'heuthe d'la Tèrre, i' faut ajouôter des s'gondes dé temps à aut'.
D'pis 1972, l'heuthe univèrselle est l'UTC tch'est ainchîn eune heuthe atonmique amendée s'lon d's obsèrvâtions astrononmiques.